ИНДЕКСИ НА ТРОШОЦИТЕ НА ЖИВОТ И НА ЦЕНИТЕ НА МАЛО, СЕПТЕМВРИ 2020 ГОДИНА

09 Октомври 2020

Според податоците на Државниот завод за статистика, индексот на трошоците на животот во септември 2020 година, во однос на претходниот месец, изнесува 99.8, а индексот на цените на мало изнесува 98.9.

Намалување на индексите на трошоците на животот во септември 2020 година, во споредба со претходниот месец, е забележано кај свежото и разладеното овошје за 4.5 %, шеќерот, џемот, медот, чоколадата и кондиторските производи за 0.7 %.

Исто така, намалување на индексите на трошоците на животот е забележано и кај течните горива за домаќинствата за 3.5 %, медиумите за снимање за 3.0 %, информатичката опрема за обработка на податоците за 1.2 %, горивата и мазивата за сопствените превозни средства за 1.1 %, малите електрични апарати за домаќинствата за 0.6 %, мебелот и покуќнината, големите електрични апарати за домаќинствата, градините, растенијата и цвеќињата за 0.5 %, теписите и другите подни покривки за 0.3 %, канцеларискиот материјал и материјалите за цртање за 0.2 %.

Пораст на индексите на трошоците на животот во септември 2020 година, во споредба со претходниот месец, е забележан кај свежиот и разладениот зеленчук освен компирите и другите коренести плодови за 4.7 %, месото за 1.1%, виното за 1.0 %, прехранбените производи, неспоменати на друго место за 0.7 %, маслото и маснотиите за 0.6%, лебот и житата за 0.4 %, минералната вода, газираните пијалаци, соковите од овошје и зеленчук за 0.2 %.

Во септември, исто така, пораст на индексите на трошоците на животот, е забележан и кај книгите за 1.6 %, материјалите за одржување и поправки на живеалиштето за 1.1 %, облеката за 1.0 %, обувките за 0.9 %, накитот, часовниците и рачните часовници за 0.6 %, фризерските салони и центрите за разубавување, другите лични предмети за 0.5 %, резервните делови и приборот за сопствените превозни средства, фотографската и кинематографската опрема и оптичките инструменти за 0.4 %, моторните возила за 0.3 %, другите медицински производи за 0.2 %.

Индексот на трошоците на животот во септември 2020 година, во однос на септември 2019 година, бележи зголемување од 1.9 %, а индексот на цените на мало бележи зголемување од 1.0 %.

ЗА НАС

Институтот на сметководители и овластени сметководители на Република Македонија е професионално здружение на сметководителите и овластените сметководители, основано во согласност со Законот за вршење на сметководствена дејност. Институтот се основа со цел унапредување на сметководствената професија и организирано делување.

КОНТАКТ ИНФО

Ѓуро Стругар бр.5
(зграда Технометал Вардар)
кат 1, лок 132/133
1000 Скопје, Р. Македонија

+389 (0)2 3200030

Оваа е-адреса е заштитена од спамботови. Треба да ви е овозможено JavaScript за да ја видите.
Оваа е-адреса е заштитена од спамботови. Треба да ви е овозможено JavaScript за да ја видите.
Оваа е-адреса е заштитена од спамботови. Треба да ви е овозможено JavaScript за да ја видите.

Жиро Сметка
Прокредит Банка
380-1771093051-38

НЛБ Тутнска Банка
210-0682971602-69