Најнови информации
Со Уредбата со законска сила за Финансиска поддршка на работодавачите од приватниот сектор погодени од здравствено-економската криза предизвикана од вирусот COVID-19, заради исплата на платите за месеците април и мај 2020 година се уредуваат условите, начинот и постапката на финансиска поддршка на работодавачите.
ЈП Службен весник на Република Северна Македонија ја информира јавноста дека за време на траењето на вонредната состојба, преку својата веб-страница ќе овозможува бесплатен електронски пристап до објавените Уредби со законска сила во „Службен весник на Република Северна Македонија“ .
Најновите прописи од секој број на службениот весник ќе бидат објавени на насловната страница од јавната страна www.slvesnik.com.mk додека содржината на службениот дел од службениот весник ќе може да се побара во бесплатните изданија.
ЈП Службен весник на РСМ,
Скопје
Владата на Република Северна Македонија денеска ја продолжи работата на 32 седница, на која беа донесени повеќе уредби, одлуки и заклучоци.
На оваа своја седница, Владата на Република Северна Македонија го разгледа предлогот на Министерството за финансии за намалување на непродуктивни расходи поради справување со здравствено-економската криза предизвикана од коронавирусот КОВИД-19 и ги донесе следните заклучоци и тоа:
Управата за јавни приходи известува дека на 31 март 2020 година го заокружи третото тримесечје од МојДДВ. За месеците јануари, февруари и март 2020 година на граѓаните кои скенирале фискални сметки ќе им бидат исплатени вкупно 343,803,953 денари или 5,590,000 ЕУР. Во овој период скенирани се вкупно 49,946,278 фискални сметки, остварен е промет од 21,957,355,689 денари, со вкупен ДДВ 2,292,026,352 денари.
Почитувани,
Во продолжение линк во врска со објавата на FACEBOOK од страна на "MAKAM-ТРАНС"
Реакција по повод објава на FACEBOOK
Со почит,
ИСОС
Со Уредбата со законска сила за примена на Законот за данокот на додадена вредност за време на вонредна состојба, донесена од Владата на Република Северна Македонија, се уредува можноста даночните обврзници, покрај во хартиена форма, фактурите да ги издаваат и во електронска форма. Ова е со цел да се олесни работењето на даночните обврзници, како и да се спречи користењето на хартија со цел намалување на ризикот од ширење на Коронавирусот COVID-19.
Со Уредбата со законска сила за примена на Законот за данокот добивка за време на вонредна состојба, донесена од Владата на Република Северна Македонија, се уредува право на намалување односно ослободување на износот на аконтациите на данокот на добивка како мерка за поддршка на обврзниците на данокот на личен доход кои остваруваат доход од самостојна дејност и кои претрпеле штети во своето работење поради ширење на Коронавирусот COVID-19.