Најнови информации

Претседателот на Владата на Република Северна Македонија Оливер Спасовски на прес-конференција ги образложи мерките од третиот пакет за економска поддршка на граѓаните и стопанството на земјата кој денеска беше усвоен на седница на Владата.

Управата за јавни приходи информира дека на 16546 компании одобрена им е финансиска поддршка за исплата на плати за месец април 2020, за 103 307 вработени.
Вкупниот износ на одобрената финансиска поддршка досега изнесува 1 447 278 909 денари.
Даночните службеници кои работат викендов прават конечна обработка на МПИН пресметките во кои се содржани останатите барања за финансиска поддршка, за коишто во понеделник УЈП ќе го извести Генералниот Секретаријат на Владата на РСМ за спроведување на исплатата.

Почитувани,

На ден 14.05.2020 се одржа седница на УО на ИСОС.
Во прилог записник од седницата

Записник

Со почит,
ИСОС

Денес Управата за јавни приходи го достави и второто Известување до Генералниот Секретаријат на Владата на Република Северна Македонија за одобрени и прифатени барања за финансиска поддршка. Во ова известување опфатени се 4962 фирми кои ги исполниле условите за финансиска поддршка за исплата на плата за месец април 2020 година, а износот на одобрената финансиска поддршка изнесува 377,921,509 денари.
Согласно второто Известување, вкупниот износ на одобрени финасиски средства за исплата на плати за месец април 2020 изнесува 885,868,773 денари за вкупно 10 103 фирми.
Се обработуваат и останатите поднесени барања за финансиска поддршка, за кои Управата за јавни приходи ќе го извести Генералниот Секретаријат на Владата на Република Северна Македонија по нивната финална обработка.

Со Уредбата со законска сила за примена на Законот за трговските друштва за време на вонредна состојба (,,Службен весник на РСМ’’ бр.123/2020), се утврдува дека за веродостојни сметководствени документи врз основа на кои се водат трговските книги се сметаат и скенирани документи доставени по електронски пат.
Согласно уредбата, рокот за доставување на одобрените финансиски извештаи со годишниот извештај за работа за 2019 година на големите и средни трговци организирани како друштва со ограничена одговорност, до Регистарот на годишни сметки при Централниот регистар на Република Северна Македонија, престанува да тече за време на траењето на вонредната состојба и продолжува по престанокот на траењето на вонредната состојба, за онолку денови колку што траела вонредната состојба.
Уредбата стапи на сила на 13.05.2020 година.

Управата за јавни приходи денес достави Известување до Генералниот Секретаријат на Владата на Република Северна Македонија за вкупно 5141 работодавачи кои ги исполниле условите за финансиска поддршка за исплата на плата за месец април 2020 година.
Износот на одобрената финансиска поддршка изнесува 507,947,264 денари.
Ова е прво известување за одобрена финансиска поддршка согласно член 5 став 4 од Уредбата со Законска сила за финансиска поддршка на работодавачите погодени од здравствено – економската криза предизвикана од корона вирусот Ковид -19 , заради исплата на платите за месеците април и мај 2020 година. Се обработуваат и останатите поднесени барања за финансиска поддршка, за кои Управата за јавни приходи ќе го извести Генералниот Секретаријат на Владата на Република Северна Македонија по нивната финална обработка.

Управата за јавни приходи ги подготви и до граѓаните ги достави Годишните даночни пријави за 2019 година. Ги повикуваме регистрираните корисници на системот „е-Персонален данок“ да извршат увид во Годишната даночна пријава за 2019 година преку своите кориснички профили.

ФИНАНСИСКА ПОДДРШКА ЗА ИСПЛАТА НА ПЛАТА
Врз основа на Уредба со законска сила за финансиска поддршка на работодавачите погодени од здравствено-економската криза предизвикана од вирусот covid-19, заради исплата на платите за месеците април и мај 2020 година, работодавачот може да оствари право на финансиска поддршка во износ најмногу до 14.500 денари месечно по работник, согласно со работното време (полно или неполно работно време) на кое е пријавен работникот, намалено за работното време за кое се остварува надоместок на плата кој не паѓа на товар на работодавачот.

Страница 5 од 109

ЗА НАС

Институтот на сметководители и овластени сметководители на Република Македонија е професионално здружение на сметководителите и овластените сметководители, основано во согласност со Законот за вршење на сметководствена дејност. Институтот се основа со цел унапредување на сметководствената професија и организирано делување.

КОНТАКТ ИНФО

Ѓуро Стругар бр.5
(зграда Технометал Вардар)
кат 1, лок 132/133
1000 Скопје, Р. Македонија

+389 (0)2 3200030

Оваа е-адреса е заштитена од спамботови. Треба да ви е овозможено JavaScript за да ја видите.
Оваа е-адреса е заштитена од спамботови. Треба да ви е овозможено JavaScript за да ја видите.
Оваа е-адреса е заштитена од спамботови. Треба да ви е овозможено JavaScript за да ја видите.

Жиро Сметка
Прокредит Банка
380-1771093051-38

НЛБ Тутнска Банка
210-0682971602-69